|
Leve Plattdüütsche – Freunde der niederdeutschen Sprache und
Kultur -
(hochdeutsch finden sie weiter unten)
wi freut us
düchtig, dat Ji in use „Homepage“ mol rinkiekt. Plattdüütsch is jo in de hüütige
Tied wedder grot in’n Komen. Besonners op`n Land bild sik ünner dat Jungvolk
Laienbühn, Gesangs- un Danzgruppen, dormet sik all Lüüd wedder op ehr
Muddersprak besinnen dot. Ok de Heimathüüs bedüüt jem wat.
Szü, un wenn wi torüch kiekt, den geiht us dat Hart op, wieldat de Gill in’n
November 1950 von Fritz Drobe (+ 1994; in dat Johr 2009 wür he 100) un Fite
Schultz (+ 1982) gründ worn is. Se un ok us nakomen Vörstandsmetgleeder hebt sik
jümmers met plattdüütschen Stiem för de „nedderdüütsche Kultur un plattdüütsche
Sprok“ inset. In dat Johr 1995 käm dat Plattdüütsche ganz grot rut; tja met de
Opnahm in de Charta III von’ne Europäischen Union as besonders to bewohrne
düütsche Minnersprak. Doröver freut sik över 8 Millionen Lüüd in
(Nord)Düütschland, ok wi.
De Plattdütsche Gill – eenzige Kulturvereen in düsse Art in Bremerhaven – is
bemöht, dit bedüüden nedderdüütschet Kulturgod to bewahrn.
Ok de „Open` Kanol“ (Medienanstalt:Bürgerfernsehen - Offener Kanal
Bremerhaven) bringt Plattdüütsch as „Puschenkino“ to de plattdüütschen Fründ, de
nich mehr ut ehrn Huus komt.
Lat Jo mol sehn bi us un helpt met, dat Plattdüütsche ok för us Nakomen,
Kinner un Enkel, to erholen. Fritz Drobe schrev:
Mien Modersprak de klingt so got, de makt mi stark un riek,
de is so deep woll as een Soot, in den ik rünnerkiek.
Hochdeutsch:
(Übersetzung folgt in
Kürze!)
|
